Mari Carmen Martínez Romero e a experiencia dunha meniña escrava

O 28 de marzo de 1953 a Garda Civil rexistra a casa familiar de Pancho en Meá, Mugardos, e descobre unha cova agochada nun cortello. Deteñen a muller de Pancho, María Romero Ramos, e condénana a tres anos de cadea. Neste período os fillos pequenos son internados nun orfanato no Pazo de Mariñán e a filla maior de quince anos, Mari Carmen Martínez Romero, acaba en Bermeo na casa da súa tía Remedios Martínez Leira. Preto dalí, no colexio de Zabalbide da orde dos Ángeles Custodios en Bilbao, as fillas dos republicanos eran tratadas como escravas. O sadismo era o principal valor cristián que caracterizaba as monxas desta institución, como se estas meniñas estivesen a redimir as penas de seus pais. O testemuño de Isabel Perales inspirou o último romance de Almudena Grandes, “Las tres bodas de Manolita”. Mari Carmen Martínez Romero morreu con 41 anos, mais grazas á coraxe de Isabel Perales podemos aproximarnos a dura experiencia das familias esgazadas e a de tantas crianzas maltratadas simplemente por seren “semillas de rojos”.

One thought on “Mari Carmen Martínez Romero e a experiencia dunha meniña escrava

  1. Estou moi a favor de esta iniciativa que estades a seguir, e dende aquí aplaudo o voso esforzo. Era necesario, e de leí, recordar a figura de Pancho, para que os que veñan detrás o coñezan, nós o recordemos e os que pretenden quitarlle luz a súa historia perdan a batalla. Mais, se vades, ou vamos, levar a cabo esta tarefa o primeiro que temos que facer é contrastar infomación, publicar feitos e datos sabendo de primeira man que estamos certos no que dimos. Por iso este post sobre “Mari Carmen meniña escrava” tería que ser revisado, xa que a información vertida non e veráz. Mari Carmen NUNCA estivo nun convento, e menos como escrava (drama que mulleres como a do video sí tiveron que vivir, por desgraza), mais Mari Carmen, por sorte, nunca foi compañeira de esta muller. A filla de Pancho sí marchou a Bilbao, pero arroupada pola súa familia, xa que foi a súa tía Remedios, irmá pequena de Pancho, a que a levou consigo para a súa casa en Bermeo. Alí en Bermeo Mari Carmen estudou Corte e Confección, estudos que despois convertiría en profesión. Os seus irmáns pequenos, pola contra, quedaron en Mugardos, Pancho a cargo da súa avoa materna Celestina e o Manolo a cargo de Aurora, outra das catro irmás de Pancho. Cando Marí Carmen foi maior de idade, voltou a Galicia para facerse cargo dos seus irmáns e seguir coa súa vida.

    Esta é a verdadeira historia de Mari Carmen.

    Un saúdo

    Gústame

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s